2015, മാർച്ച് 13, വെള്ളിയാഴ്‌ച

പിടച്ചില്‍






-------------------------------------------@

നാഴികയും നക്ഷത്രവും
നല്ലത്.
ജാതകം കേമം.
കുസൃതികള്‍
അതിരസം.
വളര്‍ന്നു,
ആവശ്യങ്ങള്‍
അനാവശ്യങ്ങള്‍,
ഒന്നും
നിരസിച്ചില്ല.
മയില്‍പ്പീലികൊണ്ടും
വേദനിപ്പിച്ചില്ല.
ഒരുനാള്‍,
അയല്‍പക്കത്തെ
ഗോപിക
അമ്മയോടു
പറഞ്ഞു,
"നമ്മുടെ
മോനുവിന്
കഴുകന്‍റെ
കണ്ണുകളും
നഖങ്ങളും
കുറുക്കന്റെ
ചിരിയുമാണ്"
അമ്മ
ഗര്‍ഭപാത്രം
വരെ
പിടഞ്ഞു....



//////ബന്‍സി ജോയ്

കഷ്ടം




------------------------------------@
"ഇങ്ങനെ മതിയോ"
"പിന്നെ"
"കെട്ടണ്ടേ"
"വേണോ"
"വേണം"
"കെട്ടി"
"വിശേഷം?"
"മത്സരിക്കുന്നുണ്ട്"
"ഇതുവരെയൊന്നും"
"ഓക്കാനിച്ചു"
"എന്നത്തേക്കാ?"
"ഉടനെ"
"വല്ലതുമായോ"
"ആയി"
"എന്തുകുട്ട്യാ?"
"പെണ്ണ്‍ "
"ശ്ശോ! കഷ്ടമായിപ്പോയി"




//////ബന്‍സി ജോയ്

2015, മാർച്ച് 11, ബുധനാഴ്‌ച

അയനം







-----------------------------------@


ഒരു കൈക്കുമ്പിള്‍
ജലത്തില്‍ നീ
പ്രതിഫലിക്കെ,
നീയിത്രയേയുള്ളുവെന്ന്‍
ഞാന്‍ കരുതി
എന്‍റെ കരുതലുകള്‍
നിന്‍റെ കരച്ചിലായ്
തുളുമ്പിയൊഴുകി
നീ ഗംഗയായ്

///////ബന്‍സി ജോയ്

2015, മാർച്ച് 1, ഞായറാഴ്‌ച

പക്ഷേ





.............................................@

അര്‍ജ്ജുനനര്‍ജ്ജുനനെന്ന്‍
അസൂയാലുക്കള്‍പോലും
അഭിനന്ദിച്ചാര്‍ത്തോടുവില്‍
വിരാടവിഡ്ഢിയുടെ ദര്‍ബ്ബാറില്‍
ബൃഹന്ദളവേഷത്തില്‍
ജീവിതമജ്ഞാതം
ഉര്‍വശിയിപ്പോഴും
ക്ഷണിക്കുന്നുണ്ട്‌ പക്ഷേ............

/////ബന്‍സി ജോയ്

ചക്കോസാറിന്റെ നീതിബോധവും അപ്പുക്കുട്ടന്റെ പ്രതിസന്ധിയും

................................................... പത്താംക്ലാസ്സു ബീയിലെ അപ്പുക്കുട്ടന്‍ ഒരപ്രഖ്യാപിത സമരത്തിനു കോപ്പുകൂട്ടി. കുട്ടി...