2017, ഏപ്രിൽ 29, ശനിയാഴ്‌ച

മനുഷ്യപുത്രന്‍റെ നിലവിളി


..........................@
അനന്തരം
സാത്താനാല്‍ പരീക്ഷിക്കപ്പെടേണ്ടതിനു
മനുഷ്യപുത്രന്‍ മലമുകളിലേക്കു നടന്നു
സൂര്യന്‍
ഉച്ചസ്ഥായിയിലെത്തിയപ്പോള്‍
പരീക്ഷകന്‍ പ്രത്യക്ഷനായി.
ചുറ്റുമുള്ളതെല്ലാം കാണിച്ചുകൊടുത്തിട്ട്
"ഇതെല്ലം നിനക്കുതരാം
ഒരു നമസ്ക്കാരം മതി"
പരീക്ഷകന്‍ തൊറ്റു
മനുഷ്യപുത്രന്‍ മലയിറങ്ങി
പിന്നാലെയെത്തിയ "കര്‍ത്തൃദാസന്‍"
വഴിവിട്ടവാഗ്ദാനം സ്വീകരിച്ചു.
മലമുകളില്‍ കുറ്റിയടിച്ചു
മലനിലവിളിച്ചു
നെറുകയില്‍ വിഭാഗീയതയുടെ
ചോരപൊടിഞ്ഞു
ദൈവത്തിന്റെ കാര്യവിചാരകന്‍
നീതിബോധത്തിന്റെ
ഉള്‍ക്കരുത്തുമായ് മലകയറി
നെറുകയില്‍നിന്ന്‍
മാരണമൊഴിപ്പിച്ച്
നീതിനടപ്പാക്കി
മലയിറങ്ങിയ നീതിമാനു്
ന്യായശാസ്ത്രിമാരും പരീശന്മാരും
പൌരപ്രമാണിമാരും
കുരിശുചമച്ചു
നീതിബോധംനിറഞ്ഞ
കാര്യവിചാരകനെ
മരത്തോടുചേര്‍ത്തു ബന്ധിച്ച്
ആണിയടിച്ചുതുടങ്ങിയപ്പോള്‍....
മനുഷ്യപുത്രന്റെ നിലവിളി
ഹൃദയവിശുദ്ധിയുള്ളവര്‍ കേട്ടു....
"ഏലീ എലീ ലമ്മ ശബക്താനി"



------ബന്‍സി ജോയ്------- 25 /4 2017

2017, മാർച്ച് 24, വെള്ളിയാഴ്‌ച

ഉയരങ്ങളിലൊരു ചില്ല



....................................@
ചേക്കേറണമെന്നുള്ള സ്വപ്നം
ചില്ലയറുത്തുമാറ്റിയാണു
നിഷേധിക്കുന്നത്
വിധി
കല്ലായും കാറ്റായും
കരവാളായും പിന്തുതരുന്നുണ്ട്
ദമനംചെയ്ത ആഗ്രഹങ്ങളാണ്
വിഹായസില്‍
പക്ഷങ്ങള്‍ക്കു ഭാരം
ചിറകുവിടര്‍ത്തികുതിക്കാന്‍
ഇന്ധനമാകുന്നത്
ഉള്‍ക്കരുത്തുള്ളൊരു ചില്ല
ഉയരങ്ങളിലുണ്ടെന്ന
കിനാക്കാഴ്ചയാണ്




.........////ബന്‍സി ജോയ്///........24/3/2017

വേനല്‍









.....................@
കണ്ണുകള്‍ വരണ്ട്
കാഴ്ചയ്ക്കു തീപിടിക്കുന്ന വേനല്‍
ഇമപൂട്ടാതെകണ്ട കിനാക്കളില്‍
ഇല്ല
നനുത്തകാറ്റിന്‍റെ സ്പര്‍ശം
നീരുറവ മുടിനാരുപോലെ
വറ്റിയ മനസ്സും മണ്ണും
ഇല്ല
സുഗന്ധവാഹിയായൊരു
കല്ലോലിനിയുടെ കളകളാരവം
ഒരു മഴക്കാറിനു കാതോര്‍ത്ത്
മണ്ണറയില്‍ മുളപോട്ടാതെ വിത്തുകള്‍
എണ്ണതീര്‍ന്ന തിരിനാള തുല്യം
പിടയുന്നു ജീവന്‍റെ കാമ്പുകള്‍.
പൊരുള്‍നഷ്ടമായ വാക്കുപോലെ
ചകിതമിപ്രാണന്‍റെ പാശം.



........///ബന്‍സി ജോയ്/////....24/3/2017

തയ്യാറെടുപ്പ്


തയ്യാറെടുപ്പ്
.................................@
ഇറച്ചി വേണ്ട
മീന്‍ വേണ്ട
മുട്ട വേണ്ട
നോമ്പു തുടങ്ങി,
പ്രാര്‍ത്ഥന പള്ളിപ്രാകാരങ്ങളെ
കമ്പിതമാക്കുന്നുണ്ട്
നാട്ടുകാരെയൊക്കെ
നല്ലവരാക്കണേന്ന്
നാലുപേരു കേള്‍ക്കെ
പ്രാര്‍ത്ഥിക്കുന്നുണ്ട്.
പള്ളീക്കേറാത്ത
കുഞ്ഞാടുകള്‍ക്കു വേണ്ടി
പ്രത്യേകം പ്രാര്‍ത്ഥിക്കുന്നുണ്ട്
നീതിമാനെ കുരിശിലേറ്റുന്നതിന്
എനിക്കൊന്നു വിശുദ്ധനാകണം







....................///ബന്‍സി ജോയ്////.....24/3/2017

മനുഷ്യപുത്രന്‍റെ നിലവിളി

..........................@ അനന്തരം സാത്താനാല്‍ പരീക്ഷിക്കപ്പെടേണ്ടതിനു മനുഷ്യപുത്രന്‍ മലമുകളിലേക്കു നടന്നു സൂര്യന്‍ ഉച്ചസ്ഥായിയില...